رئيس مجلس الادارة م/ محمد محمد
عاجل

عايدة غنيم تكشف تفاصيل مقتل والدتها على يد جارها: غدر بيها عشان الفلوس

admin مصراوي - زووم (582) 17 نوفمبر, 2026
عايدة غنيم تكشف تفاصيل مقتل والدتها على يد جارها: غدر بيها عشان الفلوس
4 مشاهدات

03:22 م 17/11/2026 تعديل في 03:48 م

كشفت الفنانة عايدة غنيم عن أصعب اللحظات التي مرت بها في حياتها، وهي واقعة مقتل والدتها على يد أحد أبناء جيرانها، بغرض السرقة، وذلك خلال لقائها مع الإعلامي عمرو الليثي في برنامج "واحد من الناس".

وقالت عايدة غنيم: "أصعب موقف موت أمي الله يرحمها، يعني مفيش أصعب من ده خالص، الحادثة دي نفسها مفيش أصعب منها، أثرت فيا كتير وخلتني قعدت فترة في البيت مش قادرة".

وأضافت: "ابن الجيران، يعني زي ما بيقولوا ما بتجيش غير من أقرب الناس حد كان لا يمكن حد يتوقعه، تقريبًا هي شبه مربياه وهو اللي يعمل فيها كده، ما كانتش متخيلة إنه ممكن يعمل فيها كده".

وتابعت: "عشان الفلوس، كان متخيل بقى إن هي بنتها فنانة، وماما كانت متعودة الله يرحمها إن هي كل فترة بتيجي تقعد عندي، يعني هي في بيتها وتيجي كل فترة تقعد عندي، فهو كان متخيل إن هي لسه راجعة من عندي ومعاها فلوس، فراح عمل فيها اللي عمله ده، بس ربنا ما بيسيبش".

وكشفت عايدة غنيم عن تأثرها النفسي بالواقعة، قائلة: "فقدت صوتي فعلًا، جالي مشكلة في الأحبال الصوتية، قعدت 40 يوم مش عارفة أتكلم".

يذكر أن عايدة غنيم برزت في نهاية التسعينيات، وحازت على شهرة واسعة من خلال مشاركتها في مسلسل "عائلة الحاج متولي" عام 2001، بطولة الفنان الراحل نور الشريف، إلى جانب ماجدة زكي، وغادة عبدالرازق، وسمية الخشاب، وآخرين.

كما شاركت عايدة غنيم في عدد من الأعمال منها "الإمام المراغي"، "عبودة ماركة مسجلة"، "سارة"، "قلب حبيبة"، "راجعلك يا إسكندرية"، "حيث الصباح والمساء"، "عباس الأبيض في اليوم الأسود"، "انظر حولك وابتسم".